خیبرپختونخوا حکومت کا نوجوانوں کو روزگار کیلئے بلا سود قرضہ دینے کا اعلان

خیبرپختونخوا حکومت نے جامعات سے فارغ التحصیل جدید کاروباری سوچ کے حامل نوجوانوں کو بلا سود قرضے فراہم کرنے کا اعلان کر دیا۔

میڈیا رپورٹس کے مطابق سیاحت و امورِ نوجوانان کے سینئر وزیر عاطف خان اور صوبائی وزیرخزانہ تیمور سلیم جھگڑا کے درمیان ملاقات ہوئی جس میں یہ پروگرام شروع کرنے کا فیصلہ کیا گیا۔

اس موقع پر سیکرٹری خزانہ شکیل قادر، سیکرٹری سیاحت شاہد زمان اور بینک آف خیبر کے عہدیدار موجود تھے۔

حکام کے مطابق پروگرام کے تحت نوجوانوں کو 5 سے تیس لاکھ روپے قرضہ دیا جائے گا جس سے وہ اپنا روزگار شروع کرنے کے قابل ہوں گے۔

ان کا کہنا تھا کہ اس پروگرام سے نوجوان نہ صرف مالی طور پر مضبوط ہوں گے بلکہ ملک کی اقتسادی ترقی و خوشحالی میں بھی اہم کردار ادا کریں گے۔