محرم الحرام: پشاورکی ضلعی انتظامیہ نے دفعہ 144نافذکردی

صوبائی دارلحکومت پشاور کی ضلعی انتظامیہ نے  محرم الحرام کے دوران امن کی صورتحال برقرار رکھنے کی غرض سے ضلع بھر میں دفعہ 144نافذ کردی۔

ضلعی انتظامیہ نے ایک اعلامیے کی ذریعے اسلحے کی نمائش،کالے شیشوں،غیر رجسٹرڈ گاڑیوں اورلاؤڈ اسپیکر کے استعمال پر پابندی عائد کی ہے۔

پشاور شہر اور کینٹ کے علاقے میں افغان مہاجرین کی داخلے پر پاپندی عائد کردی ہے۔

ضلعی انتظامیہ کے ہدایات کے مطابق ماتمی جلوس کی گزرگاہوں میں واقع بلند عمارتوں پر کھڑا ہونے اور اسی راستوں میں قائم سرائے اور ہوٹلوں میں اجنبی افراد کے ٹھہرنے پر پابندی کردی گئی ہے۔

شہر بھر میں موٹر سائیکل کی ڈبل سواری اور اشتعال انگیز مواد کی تشہیر پر بھی پابندی عائد کر دی گئی ہے۔

مذکورہ پاپندی کا اطلاق یکم محرم سے دس محرم تک ہوگا۔