بین الاقوامی
بھارتی کی روایتی ہٹ دھرمی، حامی بھر کے بھارت نے وزرائے خارجہ کی مجوزہ ملاقات کی منسوخ کر دی
وزارتِ خارجہ کی جانب سے ملاقات منسوخ کرنے کی وجہ مقبوضہ کشمیر کی حالیہ صورتحال بتائی گئی ہے۔
بھارت نے روایتی ہٹ دھرمی کا مظاہرہ کرتے ہوئے پاک بھارت وزرائے خارجہ کے درمیان نیو یارک میں ہونے والی ملاقات منسوخ کر دی۔
بھارتی میڈیا کے مطابق شاہ محمود قریشی اور سشما سوراج کی ملاقات 27 ستمبر کو نیویارک میں جنرل اسمبلی اجلاس کی سائیڈ لائنز پر ہونی تھی تاہم اب نے پاکستانی وفد سے ملاقات سے انکار کردیا ہے۔
وزارتِ خارجہ کی جانب سے ملاقات منسوخ کرنے کی وجہ مقبوضہ کشمیر کی حالیہ صورتحال بتائی گئی ہے۔
یاد رہے کہ گزشتہ روز وزیراعظم عمران خان نے بھارتی وزیراعظم نریندرا مودی کے خط کا جواب دیتے ہوئے دونوں ممالک کے درمیان مذاکرات کی ضرورت پر زوردیا تھا جس پر بھارت نے مذاکرات کی ہامی بھرتے ہوئے پاک بھارت وزرائے خارجہ کے درمیان 27 ستمبر کو نیویارک میں ملاقات کی تصدیق کردی تھی۔
