وزیراعظم عمران خان کی سعودی فرمانروا شاہ سلمان بن عبدالعزیز سے ملاقات
عرب نیوز کے مطابق وزیراعظم نے خادمین الحرمین الشریفین سے ملاقات کے دوران دوطرفہ معاشی تعلقات،باہمی دلچسپی کے امور، امت مسلمہ کو درپیش چیلنجز اور اقتصادی تعاون میں مزید وسعت سمیت دیگر امور پر گفتگو کی۔
وزیراعظم عمران خان نے سعودی فرمانروا شاہ سلمان بن عبدالعزیز سے ملاقات کی جس میں باہمی دلچسپی کے امور پر تبادلہ خیال کیا گیا۔
عرب نیوز کے مطابق وزیراعظم نے خادمین الحرمین الشریفین سے ملاقات کے دوران دوطرفہ معاشی تعلقات،باہمی دلچسپی کے امور، امت مسلمہ کو درپیش چیلنجز اور اقتصادی تعاون میں مزید وسعت سمیت دیگر امور پر گفتگو کی۔
قبل ازیں وزیراعظم نے اعلیٰ سعودی حکام اوراسلامی تعاون تنظیم کے سیکریٹری جنرل سے ملاقاتیں کیں۔
سعودی وزیرتوانائی خالد الفالح اورصدرسعودی انوسٹمنٹ فنڈ اوردیگرسے ملاقات کے دوران وزیراعظم عمران خان کے ہمراہ وزیرخزانہ اسد عمر، مشیرتجارت عبدالرزاق داوٴد، سیکرٹری خارجہ اورسعودی عرب میں پاکستان کے سفیرخان ہشام بن صدیق بھی موجود تھے۔
وزیر اعظم پاکستان عمران خان سے سعودی وزير توانای خالد الفالح, صدر سعودی انوسٹمنٹ فنڈ ياسر روميان ایڈوائزر جنرل سكريٹريٹ سعودی كابينه أحمد الخطيب کی ملاقات۔ باہمی دلچسپی کے امور، دوطرفہ تعلقات، تجارت، سرمایہ کاری اور اقتصادی تعلقات کے امور پر بات چیت۔#PTI pic.twitter.com/hMKzOpLA92
— PTI (@PTIofficial) September 19, 2018
ملاقات میں باہمی دلچسپی کے امور، دوطرفہ تعلقات، تجارت، سرمایہ کاری اوراقتصادی تعلقات کے امورپرتبادلہ خیال جبکہ دونوں ممالک کے درمیان تجارتی رابطے مزید بہترکرنے پربھی غورکیا گیا۔
وزیراعظم عمران خان سے اسلامی تعاون تنظیم کے سیکریٹری جنرل ڈاکٹر یوسف العثیمین نے بھی ملاقات کی جس میں باہمی دلچسپی کے امور اورمسلم امہ کو درپیش چیلنجزپرگفتگو کی گئی۔
ملاقات کے دوران وزیرخارجہ شاہ محمود قریشی، سیکرٹری خارجہ تہمینہ جنجوعہ اور پاکستانی سفیرہشام بن صدیق موجود تھے۔
خیال رہے کہ وزیراعظم عمران خان دو روزہ دورے پر سعودی عرب میں موجود ہیں جو ان کا کسی بھی بیرون ملک کا پہلا دورہ ہے۔
