پاکستان کے مقبول ترین ڈراما سیریل ’میرے پاس تم ہو‘ کی آخری قسط جو رواں ہفتے 18 جنوری کو نشر ہونی تھی، جو اب 25 جنوری کو سینما پر دکھائی جائے گی۔ اے آر وائی انٹرٹینمنٹ چینل کے چیف ایگزیکٹو آفیسر جرجیس سیجا نے انڈپینڈنٹ اردو سے بات کرتے ہوئے تصدیق کی کہ اس ڈرامے کی آخری قسط سینما میں نمائش کے لیے پیش کی جائے گی۔
انہوں نے بتایا کہ ڈرامے کی آخری قسط کراچی، لاہور اور اسلام آباد سمیت ملک کے تمام بڑے سینما گھروں نمائش کے لیے پیش ہوگی۔ اطلاعات کے مطابق کراچی میں ایک خصوصی شو کا انعقاد بھی کیا جا رہا ہے جس میں اس ڈرامے کی کاسٹ بھی شریک ہوگی۔
اس حوالے سے مزید تفصیل کے لیے اس لنک پرکلک کریں: ڈراما ’میرے پاس تم ہو‘ کی آخری قسط نسبتاً طویل ہوگی۔
